আমাৰ চাৰিওকাষৰ বস্তুবোৰ

নৱম শ্ৰেণীৰ বিজ্ঞান পাঠ্যপুথিৰ ১ নং পাঠৰ প্ৰশ্নোত্তৰ । 

              অনুশীলনী

১. তলৰ উষ্ণতাবিলাক ছেলছিয়াছত প্ৰকাশ কৰা ---

     a. 293k      b. 470k

উত্তৰ : a. 293k 

             =293 - 273

             =20°c 

        

           b. 470k 

           =470 - 273

           =197°c

২. তলৰ উষ্ণতাবিলাক কেলভিনত প্ৰকাশ কৰা --- 

  a. 25°c          b. 373°c

উত্তৰ : a. 25°c 

            =25 + 273 

            =298k

          b. 373°c 

          =373 + 273

          = 646k 

৩. কাৰণ দৰ্শোৱা -----

a. খোলা ঠাইত নেফথেলিন বল কেইদিমান থৈ দিলে নাইকিয়া হয়।

উত্তৰ : খোলা ঠাইত নেফথেলিন বল কেইদিনমান থৈ দিলে নাইকিয়া হয় কাৰণ নেফথেলিন এনে এবিধ পদাৰ্থ যি তাপৰ প্ৰভাৱত জুলীয়া অৱস্থাপ্ৰাপ্ত নোহোৱাকৈ পোনে পোনে গেছীয় অৱস্থালৈ ৰূপান্তৰ হয় । এই প্ৰক্ৰিয়াক উৰ্ধপাতন বোলে । 

b. দূৰৰ পৰাই আতৰৰ গোন্ধ পোৱা যায় । 

উত্তৰ : বায়ুৰ কণিকাবোৰে সিহঁতৰ মাজত আকৰ্ষণ কম আৰু ব্যৱধান বেছি থকা বাবে সকলো দিশত ঘূৰি ফুৰিব পাৰে । ইহঁতৰ গতিশক্তি বহুত বেছি সেইবাবে দূৰৰ পৰাই আতৰৰ গোন্ধ পোৱা যায় ।

৪. কণিকাবোৰৰ মাজৰ আকৰ্ষণ বলৰ উৰ্দ্ধক্ৰমত সজোৱা --- পানী,চেনি আৰু অক্সিজেন ।

উত্তৰ : অক্সিজেন,পানী আৰু চেনি ।

৫. তলৰ উষ্ণতাত পানীৰ ভৌতিক অৱস্থা কি ? 

a. 25°c      b. 0°c       c.100°c 

উত্তৰ : a. 25°c 

          = জুলীয়া । 

          b. 0°c 

          = বৰফ(গোটা) । 

         c.100°c 

          = উতলন । 

৬. যুক্তি দৰ্শাই ব্যাখ্যা কৰা ---- 

a. সাধাৰণ উষ্ণতাত পানী জুলীয়া।

উত্তৰ : সাধাৰণ উষ্ণতাত পানী জুলীয়া কাৰণ --

i. পানীৰ নিৰ্দিষ্ট গঢ় বা আকৃতি নাই । সিহঁতক যি পাত্ৰত ৰখা হয় তাৰে আকৃতি লয় । 

ii. পানী বৈ যাব পাৰে,আকাৰ সলাব পাৰে,ইহঁত দৃঢ় নহয় । 

b. সাধাৰণ উষ্ণতাত লোৰ আলমাৰিটো কঠিন ।

উত্তৰ : সাধাৰণ উষ্ণতাত লোৰ আলমাৰিটো কঠিন কাৰণ --- 

i. লোৰ আলমাৰিটোৰ নিৰ্দিষ্ট গঢ় বা আকৃতি আছে । 

ii. লোৰ আলমাৰিটোৰ স্পষ্ট পৰিসীমা আছে । 

iii. ইয়াৰ স্থিৰ আয়তন আছে । 

iv. ইয়াৰ সংকোচনশীলতা অতি নগণ্য । 

v. ই দৃঢ় । 

৭. 273k উষ্ণতাত থকা বৰফে একে উষ্ণতাত থকা পানীতকৈ বেছি ঠাণ্ডা কৰে কিয় ? 

উত্তৰ : 273k উষ্ণতাত থকা পানীত একে উষ্ণতাৰ বৰফৰ তুলনাত অধিক শক্তি থাকে । পানীয়ে এই অতিৰিক্ত শক্তি বৰফৰ পৰা পানীলৈ ৰূপান্তৰ হওঁতে প্ৰয়োগ হোৱা লীন তাপৰ পৰা লাভ কৰে । সেয়েহে 273k উষ্ণতাত থকা বৰফে একে উষ্ণতাত থকা পানীতকৈ বেছি ঠাণ্ডা কৰে । 

৮. উতলা পানী আৰু পানীৰ ভাপৰ কোনটোৱে বেছিকৈ পুৰিব?

উত্তৰ : পানীৰ ভাপে বেছিকৈ পুৰিব কাৰণ উতলা পানীতকৈ ভাপত বেছি শক্তি থাকে । পানীৰ ভাপে এই শক্তি উতলা পানীৰ পৰা ভাপলৈ ৰূপান্তৰ হওঁতে প্ৰয়োগ হোৱা লীন তাপৰ পৰা লাভ কৰে । 

      ______________________