এন্ ফ্ৰাঙ্কৰ ডায়েৰি
অষ্টম শ্রেণীৰ অংকুৰণ পাঠ্যপুথিৰ ৩ নং পাঠৰ প্ৰশ্নোত্তৰ ।
এন্ ফ্ৰাঙ্কৰ ডায়েৰি
১.পাঠটো মনোযোগেৰে পঢ়া আৰু তলৰ প্ৰশ্নবিলাকৰ উত্তৰ লিখা ।
(ক) •জন্মসূত্ৰে এন্ ফ্ৰাঙ্ক কোন সম্প্ৰদায়ৰ ছোৱালী আছিল ?
উত্তৰ : জন্মসূত্ৰে এন্ ফ্ৰাঙ্ক ইহুদী সম্প্ৰদায়ৰ ছোৱালী আছিল ।
•এন্ ফ্ৰাঙ্কৰ দেউতাকৰ নাম কি আছিল ?
উত্তৰ : এন্ ফ্ৰাঙ্কৰ দেউতাকৰ নাম অট'ফ্ৰাঙ্ক আছিল ।
•নাজীবাহিনীৰ হাতৰ পৰা ৰক্ষা পাবলৈ তেওঁলোক ক'ত লুকাই আছিল ?
উত্তৰ : নাজীবাহিনীৰ হাতৰ পৰা ৰক্ষা পাবলৈ তেওঁলোক এটা পণ্যাগাৰত লুকাই আছিল ।
•এন্ ফ্ৰাঙ্কে কেতিয়াৰ পৰা কেতিয়ালৈকে দিনলেখা লিখিছিল ?
উত্তৰ : এন্ ফ্ৰাঙ্কে ১৯৪২ চনৰ ১২ জুনৰ পৰা ১৯৪৪ চনৰ ১ আগষ্টলৈকে দিনলেখা লিখিছিল ।
•দ্বিতীয় বিশ্বযুদ্ধৰ সময়ত থকা জাৰ্মান সেনাধ্যক্ষজনৰ নাম কি ? এই সেনাধ্যক্ষজনে ইহুদীসকলক কি কৰিছিল ?
উত্তৰ : দ্বিতীয় বিশ্বযুদ্ধৰ সময়ত থকা জাৰ্মান সেনাধ্যক্ষজনৰ নাম হ'ল এডলফ হিটলাৰ । এই সেনাধ্যক্ষজনে ইহুদীসকলক বৰ্বৰ অত্যাচাৰ কৰিছিল ।
(খ) •এন্ ফ্ৰাঙ্কে কিয় দিনলেখা লিখিবলৈ ইচ্ছা কৰিছিল ?
উত্তৰ : এন্ ফ্ৰাঙ্কে দিনলেখা লিখিবলৈ ইচ্ছা কৰাৰ কাৰণ হ'ল তেওঁৰ কোনো বন্ধু নাছিল ।
•দিনলেখাসমূহ এন্ ফ্ৰাঙ্কে কিয় সম্পাদনা কৰিছিল ?
উত্তৰ : এন্ ফ্ৰাঙ্কে লিখা ডায়েৰিখনৰ ভিত্তিত এখন পুথি প্ৰকাশ কৰিবলৈ দিনলেখাসমূহ সম্পাদনা কৰিছিল ।
•অট'ফ্ৰাঙ্কে পৰিয়ালসহ কিয় পণ্যাগাৰত আত্মগোপন কৰি আছিল ?
উত্তৰ : অট'ফ্ৰাঙ্কে পৰিয়ালসহ নাজীবাহিনীৰ পৰা নিজকে আৰু পৰিয়ালটোক ৰক্ষা কৰিবলৈ পণ্যাগাৰত আত্মগোপন কৰি আছিল ।
(গ) 'মানুহতকৈ কাগজৰ ধৈৰ্য বেছি' বুলি এন্ ফ্ৰাঙ্কে উপলব্ধি কৰিছিল । কিয় ? বুজাই লিখা ।
উত্তৰ : 'মানুহতকৈ কাগজৰ ধৈৰ্য বেছি' বুলি এন্ ফ্ৰাঙ্কে সেইদিনা উপলব্ধি কৰিছিল,যিদিনা তেওঁৰ কৰিবলৈ কোনো কাম নথকাৰ বাবে হতাশাত ভুগিছিল ।
(ঘ) এন্ ফ্ৰাঙ্কে নিজকে কিয় অকলশৰীয়া বুলি অনুভৱ কৰিছিল ?
উত্তৰ : এন্ ফ্ৰাঙ্কে নিজকে অকলশৰীয়া বুলি অনুভৱ কৰাৰ কাৰণ হ'ল তেওঁৰ এজন প্ৰকৃত বন্ধু নাছিল । যিজনৰ লগত অন্তৰ উজাৰি সকলো কথা আদান-প্ৰদান কৰিব পাৰি ।
২.তলৰ শব্দসমূহৰ অৰ্থ শব্দ সম্ভাৰত চাই নিজৰ বহীত লিখা ।
উত্তৰ :
গণ্য = ডাঙৰ বা শ্রেষ্ঠ বুলি মানিবৰ যোগ্য,লেখত ল'বলগীয়া।
গতানুগতিক = লোকৰ নিয়ম বা কাৰ্য মতে চলা । প্ৰচলিত নিয়মৰ অনুৱৰ্তী,নতুনত্বহীন ।
অস্ত্ৰোপচাৰ = ৰোগ চিকিৎসাৰ বাবে কৰা অস্ত্ৰৰ প্ৰয়োগ ।
বৰ্বৰ = অসভ্য,নীচ,দুষ্ট ।
পৰিত্যক্ত = এৰা,ত্যাগ কৰা ।
প্ৰবাদ = মানুহৰ মুখে মুখে চলি অহা আগৰ দিনৰ কথা ।
অধিগৃহীত = আইনৰ সহায়েৰে দখল কৰা ।
থিৰাং = নিশ্চিত,লৰচৰ নোহোৱা,ঠিক ।
উৎসৰ্গা = দান,কোনো বিশেষ ফলসিদ্ধিৰ উপলক্ষে কোনো নিৰ্দিষ্ট দেৱতা বা মানুহক কৰা দান,স্বাৰ্থ ত্যাগ ।
আড়ম্বৰ = জাক-জমকতা ।
প্ৰত্যাশিত = ভৰসা কৰি থকা,আশা কৰা ।
ভাবমূৰ্তি = চিন্তা ধাৰা,কোনো ব্যক্তি বা বিষয় সম্পৰ্কে লোৱা ধাৰণা ।
পুঞ্জীভূত = থূপ খাই থকা ।
শাম কটা = উপশম হোৱা,কম হোৱা ।
৩. 'কিটি' কোন ?
উত্তৰ : 'কিটি' হ'ল এন্ ফ্ৰাঙ্কৰ কাল্পনিক বন্ধু । এন্ ফ্ৰাঙ্কে,তেওঁ লিখা ডায়েৰিখনক 'কিটি' নাম দি নামাকৰণ কৰিছিল ।
৪. এন্ ফ্ৰাঙ্কৰ ডায়েৰিখন পুথি আকাৰে প্ৰকাশ হোৱাত কোনে আগভাগ লৈছিল ?
উত্তৰ : এন্ ফ্ৰাঙ্কৰ ডায়েৰিখন পুথি আকাৰে প্ৰকাশ হোৱাত তেওঁৰ দেউতাক অট'ফ্ৰাঙ্কে আগভাগ লৈছিল ।
৫. আইতাকৰ স্মৃতিৰ বাবে তেওঁ কি কৰিছিল ?
উত্তৰ : আইতাকৰ স্মৃতিৰ বাবে এন্ ফ্ৰাঙ্কে এডাল মমবাতি জ্বলাইছিল ।
৬. পাঠটোত অধি,অনু,প্ৰতি --- এইকেইটা উপসৰ্গ যোগ হৈ হোৱা শব্দকেইটা বিচাৰি লিখা ।
উত্তৰ : অধি = অধিগৃহীত ।
অনু = অনুপ্ৰেৰণা,অনুবাদ,অনুপ্ৰাণিত,অনুষ্টুপীয়াকৈ ।
প্ৰতি = প্ৰতিবিম্ব ।
৭. তলৰ শব্দবোৰৰ বিপৰীত অৰ্থ বুজোৱা শব্দবোৰ লিখা ।
উত্তৰ : স্থায়ী - অস্থায়ী ।
প্ৰকাশ - অপ্ৰকাশ ।
ভোগ - দুৰ্ভোগ ।
স্মৃতি - বিস্মৃতি ।
সমাপ্ত - আৰম্ভ ।
আড়ম্বৰ - অনাড়ম্বৰ ।
ভাগ্য - অভাগ্য ।
ধৈৰ্য - অধৈৰ্য ।
৮. তলৰ শব্দবোৰৰ প্ৰতিশব্দ লিখা ।
উত্তৰ : যন্ত্ৰণা = দুখ,কষ্ট ।
কৰুণ = দুখ লগা,কাতৰ ।
কিশোৰী = বালিকা ।
মৃত্যু = মৰণ,দেহাৱসান ।
৯. তলৰ বাক্যবোৰ সৰল বাক্য,যৌগিক বাক্য আৰু জটিল বাক্য অনুসৰি শ্রেণীবিভাজন কৰা।
• মই আহিলোঁ আৰু তেওঁ ঘৰলৈ গ'ল ।
উত্তৰ : যৌগিক বাক্য ।
• ভাল ল'ৰা কাৰণেহে তেওঁ পুৰস্কাৰ পালে ।
উত্তৰ : জটিল বাক্য ।
• বৰষুণ পৰিছে ।
উত্তৰ : সৰল বাক্য ।
• মই সদায় ভাত খাই স্কুললৈ যাওঁ।
উত্তৰ : জটিল বাক্য ।
• একমাত্ৰ দেউতাকেই নাজীবাহিনীৰ কবলৰ পৰা জীৱিত ৰূপত বাচি আহিছিল ।
উত্তৰ : সৰল বাক্য ।
• এন্ ফ্ৰাঙ্কে ১৯৪২ চনৰ ১২ জুনৰ পৰা ডায়েৰি লেখা কামটো আৰম্ভ কৰিছিল ।
উত্তৰ : সৰল বাক্য ।
• এইবাৰ পিছে তেওঁ 'মৰমৰ কিটি' বুলি সম্বোধন কৰি লেখা আৰম্ভ কৰিছিল আৰু শেষত 'তোমাৰ,এন্' বুলি সমাপ্ত কৰিছিল।
উত্তৰ : যৌগিক বাক্য ।
• জন্ম-দিনৰ মমবাতিৰ লগতে আইতাৰ স্মৃতিত এডাল মমবাতি জ্বলোৱা হ'ল ।
উত্তৰ : সৰল বাক্য ।
১০. তলৰ বাক্যবোৰ তুলনামূলক বাক্যলৈ পৰিৱৰ্তন কৰা ( দুটা আৰু বহুতৰ মাজত )
• সোণ উজ্জ্বল ।
উত্তৰ : সোণ অন্য ধাতুতকৈ বেছি উজ্জ্বল ।
• মীনা মেধাৱী ।
উত্তৰ : মীনা অন্য ছাত্ৰীতকৈ বেছি মেধাৱী ।
• অৰুণ ওখ ।
উত্তৰ : অৰুণ অন্য ল'ৰাতকৈ বেছি ওখ ।
• জোনবাই ঘূৰণীয়া ।
উত্তৰ : জোনবাই অন্য উপগ্ৰহতকৈ বেছি ঘূৰণীয়া ।
• এই কিতাপখন ভাল ।
উত্তৰ : এই কিতাপখন অন্য কিতাপতকৈ বেছি ভাল ।
১১. বাক্য ৰচনা কৰা ।
উত্তৰ : অনতিপলমে = পুতেকৰ দুৰ্ঘটনা হোৱাৰ কথা গম পাই বাপেক অনতিপলমে সেই ঠাইত উপস্থিত হ'ল ।
হাঁহি-ধেমালি = ল'ৰা-ছোৱালীবোৰে হাঁহি-ধেমালি কৰি খেলি আছে ।
ৰূপান্তৰিত = সভাখন পলকতে এখন যুদ্ধ ক্ষেত্ৰলৈ ৰূপান্তৰিত হ'ল ।
আত্মগোপন = অট'ফ্ৰাঙ্কে নিজৰ পৰিয়ালক নাজীবাহিনীৰ পৰা ৰক্ষা কৰিবলৈ এটা পণ্যাগাৰত আত্মগোপন কৰিছিল ।
চিঠি-পত্ৰ = চিঠি-পত্ৰ বিলোৱা মানুহক ডাকোৱাল বোলে ।
দুখ-যন্ত্ৰণা = এডলফ হিটলাৰে ইহুদীসকলক বহুতো দুখ-যন্ত্ৰণা দিছিল ।
বিশ্ববিখ্যাত = এন্ ফ্ৰাঙ্কৰ ডায়েৰি এখন বিশ্ববিখ্যাত গ্ৰন্থ ।
__________________________